Хайлтын ном

Уоллиг хараахан олоогүй л байна уу?

Уоллитай хамт далайн эргээс эхлээд цанын бааз, галт тэрэгний зогсоол, музей, тоглоомын газар хүрэх дэлхийг тойрсон явган аялалд нэгдээрэй. Аа, бас түүний найзуудтай нуугдаж тоглонгоо илүү ихийг олж илрүүлээрэй!

Энэ бол дэлхий даяар асууж буй асуулт. Дэлхий даяар болж буй үйл явдал...

УОЛЛИ ОДОО ХААНА БАЙНА ВЭ?

Уоллиг хараахан олоогүй л байна уу?

Уоллитай хамт дэлхийн түүхтэй танилцаж, өнгөрсөн цаг хугацаагаар аялахдаа замд таарах олон хөгжилтай зүйлсийг олж хараарай. Ирээдүйтэй танилцан, харь гаргийнхны эрэлд гарахаасаа өмнө чулуун зэвсгийн үед зочлон хүмүүсийг хөөж буй үсэрхэг хирсүүдийг олж, Викингчүүдтэй хамт завь сэлүүрдээд зогсохгүй утаанаас хамгаалах малгай өмсөж үзээрэй!

Хөгжилтэйгөөр 100 англи үг сурцгаая!

Тоглоомын талбайд юу юу байдаг вэ? Ферм дээр ямар амьтан байдгийг мэдэх үү? Барилгачид юу хийдэг вэ? Чи юунд хамгийн их дуртай вэ? 

Энэхүү номд байгаа сонирхолтой хайлтын зургууд дээрх 100 гаруй шинэ үгсийг ашиглан англи хэлийг хөгжилтэйгөөр сурцгаая. 

Замын хөдөлгөөнд соёлтой оролцоцгооё!

Хүүхдүүд ээ, замын хөдөлгөөнд оролцохдоо анхааралтай зорчих нь чухал шүү! Тиймээс замын цагдаа сургууль, цэцэрлэг дээр очиж, хүүхдүүдэд замын хөдөлгөөний аюулгүй байдлын дүрмийг танилцуулж, хэрхэн аюулгүй зорчихыг зааж өгдөг. 

Энэхүү номд байгаа сонирхолтой хайлтын зургууд нь цэцэрлэгт хүрээлэн, төмөр зам, амьтны хүрээлэн, цэцэрлэгийн эргэн тойрноор аялуулж замын хөдөлгөөнд зөв зохистой оролцохыг харуулна.

Нуугдсан зүйлсийг зугаатайгаар олцгооё!

Жанна ээжтэйгээ цэцэрлэгт хүрээлэнгээр зугаалах их дуртай. Тэр өнөөдөр цэцэрлэг, амьтны хүрээлэн болон усан сангаар сонирхолтой аялал хийжээ. 

Энэхүү номд байгаа сонирхолтой хайлтын зургууд нь таны хүүхдийн анхаарал төвлөрөлтийг нэмэгдүүлж, ой тогтоолтыг сайжруулна.

Цэцэрлэг дээрээ хөгжилдөцгөөе!

Хүүхдүүд ээ, цэцэрлэгт явах хэчнээн гоё гээч! Найзуудтайгаа тоглож, зураг зурж, шинэ дуу, шүлэг сурах үнэхээр сайхан. Энэхүү номд байгаа сонирхолтой хайлтын зургууд нь хүүхдүүд цэцэрлэг дээрээ хоол идсэний дараа шүдээ угаах, тоглоомоо хураах зэрэг энгийн дадалд суралцаж, хөгжим тоглох, жүжигчилсэн тоглолт хийх зэргээр өдрийг хэрхэн зугаатай өнгөрүүлдгийг харуулна.

Мөрдөгч Пиерт шинэ даалгавар иржээ. Үл мэдэгдэх ноёнтон Дуурийн хотыг тэр чигт нь төөрдөг хот болгох чадалтай шидэт чулууг хулгайлжээ. Чи Пиер болон түүний найз Карменд төөрдөг хотоор дамжин, оройтохоос нь өмнө үл мэдэгдэх ноёнтонг зогсооход тусалж чадах уу?

15 дэлгэмэл бүхий үзэсгэлэнт зурагтай энэхүү хайлтын ном шидэт төөрдөг зүйлсээр дүүрэн. Газар доор болон модны оройд байрласан хотуудаар аялж, агаарын бөмбөлөг болон сүнс шүглэсэн байшингуудаар зочлон, төөрдөг хотод уйдна гэж үгүй шүү.

Дэлгэр зун дуусаж, налгар сайхан намар цаг ирлээ. Өвлийн улиралдаа бэлдээд хотынхон тун ч завгүй. Удахгүй Баатар, Халиунаа хоёрын хурим болно. Энэ ч сайхан хэрэг шүү. Цэцэрлэгийн барилга ашиглалтад оржээ. Хогны машин хотоо цэвэрлэж явна. Зам засварын ажил ч дуусжээ. Цагдаа халаасны хулгайчийг барилаа. Өндөр өвөө Баатар, Халиунаа хоёрын хуримд ирж байна. Харин Нямаа, Чимгээ хоёр тарьсан ногоогоо хураагаад, зарахаар явлаа. Усны шувууд буцаж байна. Болдоо зунжин маш их ажилтай байсан болохоор аялалд явахаар болжээ. Онгоцны буудал, Хүннү худалдааны төв, Сүхбаатарын талбай, шатахуун түгээх станц, төв шуудан, замын цагдаа, сурагчид, барилгачид, машин, автобус тэр ч бүү хэл шуудангийн хажууд ном зардаг дээлтэй ахыг ч энэхүү номоос харж болно шүү.

Цас орж, хот цагаан өнгөнд хучигджээ. Тэсгим хүйтэн байсан ч их хотод хөл хөдөлгөөн, хөгжөөнтэй үйл явдал өрнөсөөр л байна. Болдоо осол гаргачихжээ. Барилгын ажил эхэллээ. Галаа цагдаа өнөөдөр ажил ихтэй, тун ч завгүй байна. Телевизийнхэн мэдээ бэлдэж байна. Аав хүү хоёр цанаар гулгахаар явлаа. Номин, Оюунаа хоёр бол урлагийн сургуулийн оюутнууд. Цацаа тэргэнцэртэй хүнийг зам гаргаж өглөө. Харин Саруул эмч машинаа буруу байрлуулжээ. Бабу талбай орж мөсөн дээр гулгахаар гэрээсээ гарлаа. Мишка муур өдөржин л хотоор зугааллаа. Мөөгий лааз түүж явна. Онгоцны буудал, Хүннү худалдааны төв, Сүхбаатарын талбай, шатахуун түгээх станц, төв шуудан, замын цагдаа, сурагчид, барилгачид, машин, автобус тэр ч бүү хэл шуудангийн хажууд ном зардаг дээлтэй ахыг ч энэхүү номоос харж болно шүү. Энэхүү хайлтын ном нь олон өөр өөр газрын үйл явдал, нөхцөл байдлыг харуулсан ба тодорхой дүрүүдээр дараагийн хуудас болон цувралуудад үйл явдал нь үргэлжлэн өрнөнө.

Улаанбаатарт тэсгим хүйтэн өвөл дуусаж, урин дулаан хавар цаг иржээ. Модод нахиагаа дэлгэн, нөмөр газар даган ногоо ургажээ. Хүүхэд багачууд хөгжилдөн тоглоцгооно. Ах эгч нар ажил албандаа явцгааж, ахмад настнууд нарлан, хотын өглөө эхэллээ. Сараа найзыгаа онгоцны буудлаас угтан авлаа. Санчирын унагасан талхыг хэрээ олоод авчээ. Гурван тахиа хотоор гүйлдэнэ. Нямаа ногоо тарихаар газар хагалж байна. Сарнай Баяраагийн дүрэмт хувцсанд санаандгүй зайрмагаа нялчхаж гэнэ. Өглөө бүр шинэхэн талх, нарийн боовыг дэлгүүрүүдэд тараахаар Санчир яаран давхидаг юм. Дулам эмээ хүнсээ цуглуулахаар гарч байна. Өндөр өвөөгийн тахиаг Хүдэр золтой л барьчихсангүй. Бабу, Бобо хоёр юу хөөж гүйсэн юм бол? Харин энэ хэн бэ? Онгоцны буудал, Хүннү худалдааны төв, Сүхбаатарын талбай, шатахуун түгээх станц, төв шуудан, замын цагдаа, сурагчид, барилгачид, машин, автобус тэр ч бүү хэл шуудангийн хажууд ном зардаг дээлтэй ахыг ч энэхүү номоос харж болно шүү. Энэхүү хайлтын ном нь олон өөр өөр газрын үйл явдал, нөхцөл байдлыг харуулсан ба тодорхой дүрүүдээр дараагийн хуудас болон цувралуудад үйл явдал нь үргэлжлэн өрнөнө.

Урин хавар дуусаж, таатай сайхан зун цаг ирлээ. Өнгийн цэцэгс дэлгэрээд нийслэл Улаанбаатар хот маань улам ч өнгө нэмжээ. Хотынхон тун завгүй, бужигнасаар л байна. Тэнд жуулчид хоттой танилцаж явна. Бабу, Бобо хоёр шинэ найзууд хайхаар гарлаа. Цэцэгээ хүүхдээ түрсээр төв шуудан орохоор явж байна. Харин Базараа, Туяа хоёр хамт гүйдэг болжээ. Цацаа өдөржин л ном уншина. Өндөр өвөөгийн тахианууд зөндөө дэгдээхэйтэй болсон байна. Сүхбаатарын талбайд рок хамтлагийн тоглолт болж байна. Долгор дэлгүүрээр явж байгаад дараа нь эмнэлэг орохоор явлаа. Онгоцны буудал, Хүннү худалдааны төв, Сүхбаатарын талбай, шатахуун түгээх станц, төв шуудан, замын цагдаа, сурагчид, барилгачид, машин, автобус тэр ч бүү хэл шуудангийн хажууд ном зардаг дээлтэй ахыг ч энэхүү номоос харж болно шүү.