Ялгаатай байдлын тухай, дэлхий дээрх хүмүүс бусдаасаа өөр байдаг тухай өгүүлэх зурагт ном. Энэхүү ном нь зохиолоор дамжуулан ялгаатай байдлын тухай зөв ойлголт хүүхдэд өгөх, бусдын ялгаатай байдлыг ойлгодог хүн болж төлөвшихөд туслах юм.
Номыг зохиолын дагуу уншихаас гадна хайлтын ном хэлбэрээр бас уншиж болно. Үндсэн номоос гадна дасгалын ном дагалдах бөгөөд хүүхэд зохиолоос уншсан ойлголтоо бататгахын зэрэгцээ, даалгавар биелүүлнэ. Насны хувьд 3-10 насны хүүхдэд тохиромжтой.
50’000
Сагслах
Өсвөр насны эхэн үедээ явж буй охидод биений юм, дааврын тухай мэдээллийг энгийн, хөнгөн аргаар өгч буй ном. Биений юм яагаад ирдэг, яаж бэлтгэх, биений юмны үед бие, сэтгэл санаагаа хэрхэн арчлах зэрэг мэдээллийг багтаасан.
25’000
Сагслах
"ХҮНИЙ ЭРХИЙН ЦАГААН ТОЛГОЙ" тун удахгүй
Хүний эрх хамгаалагч, зохиолч Б.Болорсайхан, Гэрэн зурагт номын редакцын зураач Э.Мишээл нар Дэлхийн II дайн дууссаны 80 жилийн ойг тохиолдуулан хамтран бүтээсэн цоо шинэ зурагт хүүхдийн номоо өлгийдөн авлаа. Тэд хүүхдийн нүдээр Хүний эрхийн түгээмэл тунхаглалыг дүрслэн үзүүлжээ.
…Сансар огторгуйд орших дэлхий хэмээх өчүүхэн цэнхэр цэг мэт гараг дээр хөх шувуу тив бүсээр аялахдаа шинэ цагаан толгой уншигчтай хамт танилцан, сурах болно. Түүний аялал хаана хүрч өндөрлөхийг хамтдаа олж мэдээрэй…
6+ насныханд зориулсан (хүсвэл нас харгалзахгүй унших бүрэн боломжтойшүү)
Хатуу хавтастай
43 хуудас 86 өнгөт нүүртэй
Нэгдсэн Үндэстний Байгууллагын 6 хэлээрх товч тайлбартай
Дөрвөлжин форматтай, 20.5 х 20.5 см хэмжээтэй ном.
Ном Гэрэн дэлгүүрт 8 сарын 15-аас байршин, худалдаалагдаж эхэлнэ.
Бүгдээрээ хамтдаа хүний эрхийн цагаан толгойг сурцгаая!
29’500
Сагслах
Бага насны хүүхдийн нийгэмшихүйн хөгжлийг дэмжих агуулга бүхий бодит дүрслэлтэй, "Эвтэй байхад суралцъя" цуврал номтой танилцана уу.
Бусдын мэдрэмжийг чин сэтгэлээсээ ойлгох, бусдын оронд өөрийгөө тавьж бодож сурахад нь туслах болно.
14’900
Сагслах
Бага насны хүүхдийн нийгэмшихүйн хөгжлийг дэмжих агуулга бүхий бодит дүрслэлтэй, "Эвтэй байхад суралцъя" цуврал номтой танилцана уу.
Хүүхдүүдэд бусдын ялгаатай болон ижил төстэй чанаруудыг ойлгож, талархалтай хандахад сургах ач холбогдолтой.
14’900
Сагслах
Бага насны хүүхдийн нийгэмшихүйн хөгжлийг дэмжих агуулга бүхий бодит дүрслэлтэй, "Зөв үйл" зурагт номтой танилцана уу.
Хөлөө бусдыг өвтгөхөд бус харин хөгжилтэйгөөр ашиглаж сурахад дэм болно.
12’900
Сагслах
Эх хэлнийхээ үнэт чанарыг ойлгуулахад туслах ном.
Мөрөөдөлдөө хүрэх тасалбараа авахын тулд үсгээ хэрхэн цуглуулах талаар үйл явдал өрнөнө...
15’000
Сагслах
(Дууссан)
Бага насны хүүхдийн нийгэмшихүйн хөгжлийг дэмжих агуулга бүхий бодит дүрслэлтэй, "Зөв үйл" зурагт номтой танилцана уу.
Бяцхан гараараа хөгжилтэй, халамжтай үйл хийхэд уриалан дуудаж, бусдыг цохих хэзээд буруу зүйл гэдгийг ойлгоход тустай.
12’900
Дууссан
Уншигч та өөрөөсөө "Эх орон гэж юу вэ?" хэмээн асууж үзээрэй. Эл асуултад хариулах тийм ч амархан биш болов уу. Хүүхдийн номын Жангар редакц чухамхүү энэ асуултад хариулахад туслах "Эх орон" танин мэдэхүйн зурагт номыг бүтээлээ.
"Хүмүүсээс өмнө дэлхий ертөнц ямар байв? Хүн төрөлхтөн хэрхэн соёл иргэншлийг бүтээв?Монголчууд бидний соёл, бидний өнөөдөр яаж бүрэлдэн тогтов?" Энэхүү номыг дэлгэн хүн төрөлхтөн үүссэн үеэс өнөөдрийг хүртэлх түүхээр аялж, эх орныхоо тухай ярилцаарай.
29’900
Сагслах
Энэ бол өөрийгөө иддэг ер бусын ном.
Өчүүхэн жижиг хэсэг бүр, цаашлаад номын нуруу, хавтас, хайчилж авахад гарсан өөдсүүдийг хүртэл дахин боловсруулж ашиглах боломжтой. Алхам алхмаар хийх энгийн зааварчилгааг даган хуудас бүрээс дахин ашиглах цаас, органик жортой карт, хог түүх уриалга гэх мэт эх дэлхийгээ хайрлан хамгаалахад туслах олон зүйлийг бүтээн суралцаарай.
Олон жижиг үйлдэл нэг том өөрчлөлт авчирдгийг санаж, УНШЪЯ, ХИЙЕ, ХАМГААЛЪЯ!
36’900
Сагслах
Бид үргэлж л дасал болсон хэв маягаар хүүхэдтэйгээ харьцдаг. Дасал болсон зүйл хүнд үргэлж л амар санагддаг. Гэвч дасал болчихвол хүн асуудлыг олж хардаггүй. Надаар зогсохгүй олон хүн ижил төстэй учраас зүгээр л гэж боддог. Тав тухтай орчин, амар тайван нөхцөлд зуршлаасаа салахыг хүсдэггүй.
Харин зуршил болсон арга барил тань хүүхэдтэйгээ харьцах, тэднийг хүмүүжүүлэхэд заримдаа бусад хүмүүстэй харьцахад хүртэл тийм сайн арга биш байдаг. Тэр аргаараа хүүхдээ хайрлаж байна гээд эсрэгээрээ сэтгэлийн шарх өгдөг тохиолдол олон. Рефлексээрээ хэлчихдэг зуршил болсон үгнээсээ нэг алхам ухраад үзээрэй. Нэг л маягаар яривал үр дүн нь байнга ижилхэн байхаас өөр аргагүй. Хараахан эвгүй санагдаад амнаасаа унагаж чадахгүй байгаа тэр үгийг хатуу чихэр хүлхэж байгаа мэт амандаа өнхрүүлээд үзээрэй.
У Инь Ён бол эрүүл мэндийн шинжлэх ухааны доктор, хүүхэд өсвөр насны сэтгэцийн эрүүл мэндийн мэргэжилтэн, Ёнсэй Их сургуулийн Анагаахын шинжлэх ухааны сургуулийн төгсөгч, мөн энэ сургуульд магистрын зэрэг хамгаалж, Корей их сургуульд анагаахын ухааны докторын зэрэг хамгаалсан хүндтэй хүн билээ. Бид түүнийг “Миний алт шиг хүүхэд” нэвтрүүлгийн У доктороор нь мэдэх билээ.
51’600
Сагслах
Хүүхдэд зориулсан чанартай агуулга бүхий зурагт ном бүтээхэд юу шаардлагатай вэ?
Урлаг, утга зохиолын ангийн оюутнуудад болон зурагт номын зохиолч, зураачдад зориулагдсан энэ номыг Раскин Их Сургуулийн Урлагийн сургуульд иллюстрэшний салбарын профессороор багшилдаг Мартин Сализбюри бичсэн юм.
Номд хэвлэн нийтлэх үйл явц болон ном бүтээх бүтээлч процессоос гадна Жон Классен, Оливер Жефферс, Биатрис Альманя гэх зэрэг дэлхийд нэртэй зураач, зохиолчид болон Puffin Picture Books, Thames and Hudson, Enchanted Lion Books гэх зэрэг хэвлэн нийтлэгчдийг оролцуулсан 15 кэйс стадиг багтаажээ.
120’000
Дууссан
Орой бүр жаалхан үрдээ нэг минутыг зориулахад туслах нандин бүтээл. Гэр бүлдээ, өхөөрдөм хүүдээ, охиндоо үдэш бүр уншиж өгөх зугаатай түүхүүд таныг болон бяцхан үрийг тань хүлээж байна. Анаашны тугал Ноло, хурга Бабур, Бон зулзаган үлэг гүрвэл, усны үхрийн тугал Хоопла, зогой Слай, ихэр унага Зиг, Заг зэрэг амьтадтай бүтэн жилийг зугаатай, хөгжилтэй өнгөрөөгөөрэй. *Гэрэлт цох* арлын эдгээр найзуудын тухай адал явдал, нөхөрлөлийн үнэ цэнийг харуулсан хайрлам түүхүүд танай гэр бүлийг 1 сарын 1-нээс авхуулаад 12 сарын 31 хүртэл огтхон ч уйдаахгүй гэдгийг хэлье.
39’000
Сагслах
Найз нөхдийн нандин холбоо, бие биедээ туслахын сайхныг балчир хүүхдүүдэд ойлгуулах 10 үлгэрийг таны урд дэлгэе. Ойн амьтадын дүрээр үлгэр бүр өмнө тань амилна. Хайрлам түүхүүдийг өхөөрдөм хүүхдүүддээ ярьж өгөөрэй. Хамгаас сайхан цаг хугацааг танай гэр бүлд бэлэглэнэ гэдэгт бид итгэлтэй байна.
39’000
Сагслах
Долоо хоног тутмын "Дефакто газет"-ын сонины Япон хэлний орчуулагч Т.Нямдашийн эмхэтгэсэн, НҮБ-ын Хүүхдийн эрхийн тухай конвенцыг ойлгоход хялбар байдлаар танилцуулан бичсэн хүүхэд болон эцэг эхчүүдэд зориулсан зурагт ном хэвлэгдэн гарлаа.
Уг номд конвенцын заалт тус бүрд 8-13 насны хүүхдүүд болон мэргэжлийн зураачийн зурсан зургуудыг оруулж өгсөн бөгөөд, хүүхдүүд ээж аавтайгаа хамт уншиж, харилцан ярилцахад зориулагджээ.
49’000
Сагслах
Аав ээж нар хүүхдийнхээ насны онцлогт нь тохируулсан бэлгийн боловсролын талаар ярилцаж, зөвлөгөө өгөх нь хамгийн чухал үүрэг хариуцлага гэж хэлж болох юм. Бид ярилцаагүй, бодит мэдээ мэдээллийг зөв цагт нь өгөөгүйн улмаас хүүхдүүд маань санаатай болон санаандгүй алдаа гаргах нь цөөнгүй байдаг. Тэгвэл бэлгийн боловсрол гэдгийг бага наснаас авхуулан хүүхэд бүрийн насны онцлогт тохируулан хүний бие махбод болон түүний үйл ажиллагаа, нөхөн үржихүй, сэтгэл хөдлөл, хүний эрхийн талаар олгогдох цогц мэдлэг гэж ойлгож болно. Тиймээс бид эцэг эхчүүд, асран хамгаалагч нарт зориулан гэр бүлээрээ хамт унших бэлгийн боловсролын анхны номоо орчуулан гаргахад бэлэн боллоо.
25’000
Сагслах
Бидний ирээдүй болсон хүүхдүүд нийгэм, цаг үедээ зохицон амьдрахад ямар ямар чадвар шаардлагатай вэ гэсэн асуулт урган гарч байна. Аливааг өөрөө бодож тунгаан, үйлдэл хийх чадвар, алдсан ч түүнийгээ амжилтад хүрэх нэг алхам гэж олж хардаг чадвар, бусадтай харилцах хийгээд бусдад итгэж, дэмжих чадвар, өөрийнхөө юунд дуртайг, юу чадахаа мэддэг байх, анхаарал төвлөрөх, өөрийгөө хянах, ярилцах чадвар зэрэг ур чадварууд ирээдүйг тодорхойлох болно. Товчхондоо жинхэнэ мэдлэг л шаардлагатай болж ирнэ. Дээр дурдсан чадварыг өнөөг хүртэл хэрэгжүүлж ирсэн "эрт боловсрол" зэрэг сургалтаар бүрэн дүүрэн олгож чадахгүй бөгөөд чухам ямар гарц буйг энэ номдоо багцлан бичиж үзлээ.
25’000
Сагслах
Хүүхэд албаар уйлах нь өсөж хөгжиж буйн илрэл - Ийнхүү учир шалтгааны холбоог ойлгож, улмаар 5 ~ 6 сартай болох үедээ хүүхэд ээж аавыгаа ирүүлэхийн тулд албаар уйлах, өөрийн шаардлагадаа нийцүүлэн янз бүрээр уйлахыг сурна. Энэ бол хүүхэд тань өсөж хөгжиж буйн гайхамшигтай нотолгоо, байгалийн зөнгөө ухамсарт арга болгон ашиглах арга ухаан нь гарцаагүй хөгжиж буйн илрэл юм шүү.
25’000
Дууссан
Эцэг эх маань бидний дотор сэтгэл хөдлөл, сэтгэцийн ургамлын үрийг суулгаж, тэр үр нь биднийг өсөж томрохтой зэрэгцэн ургаж цэцэглэдэг. Зарим гэр бүлийн хувьд тэр үр нь хайр, хүндлэл, бие даасан байдлынх байдаг бол харин заримд нь айдас, албадлага, өөрийгөө буруутгах бодлын үр байдаг. Хэрэв та хоёр дахь бүлэгт хамаарах юм шиг санагдаж байвал энэ ном танд зориулагджээ гэсэн үг. Та өсөж өндийн, насанд хүрэх үед тэдгээр үр өөрийн тань төсөөлж ч чадахгүй хэлбэрээр амьдралд тань халдан довтлогч үл үзэгдэх бат бэх шарилж болж ургаад, өргөс нь харилцаа, карьер, гэр бүл гээд бүгдийг цоо хатгаж, үгүйдээ гэхэд л таны өөртөө итгэх итгэл, өөрийгөө үнэлэх үнэлэмжийг үргэлжид доош чангаана. Харин энэ ном тэдгээр ургамлын үндсийг олоод, сугалж хаяхад тань туслах юм.
34’900
Сагслах
Сургуулиар олгох боловсрол мухардалд оржээ. Хичээл “Нэг”-ийн зарчмаар явагддаг. Энэ нь нэг багш, нэг сэдвийг нэг сурах бичгээр, нэг л аргаар, нэг л ижил дасгал даалгавраар бүх хүүхдэд заадгийг нэрлэж буй ойлголт. Гэтэл хүүхэд бүр өөрийн гэсэн сурах онцлогтой. Тэд тодорхойлсон хэм хэмжээ, загвар, анги түвшний дагуу сурдаггүй. Сургах, хүмүүжүүлэх ажилдаа бид “Хүүхэд хэрхэн сурдаг вэ?” гэдэг сурганы гол асуудлыг орхигдуулдаг. Олон жилийн ажлын туршлага, хүүхдийн хүмүүжил төлөвшлийн урт хугацааны (төрөх цагаас эхлэн 20 нас хүртэл дагасан) судалгаан дээрээ үндэслэн хүүхдийн эмч, сурган хүмүүжүүлэгч Ремо Х.Ларго хүүхдүүдийг хичээл сургалт, хүмүүжлийн ажлаар болон гэрт нь хэрхэн хөгжилд нь тохируулан дэмжих учиртайг зөвлөж байна. Хүүхэд нэг бүрийг хөгжүүлэх нь боловсролын гол зорилго билээ.
18’900
Сагслах
Та хүүхэдтэйгээ ажиллах арга барил эзэмшиж, ялангуяа хүнд хэцүү үед нь чиглүүлж, дэмжиж сурна. Гэртээ шаардлагатай өөрчлөлтүүдийг хийж, эмх замбараагүй байдлаас салан, гэр бүлдээ амар амгаланг бэлэглэнэ. Хүссэнээрээ эрэл хайгуул чөлөөтэй хийж “болох” чөлөөтэй орчныг хүүхдэдээ хэрхэн бүрдүүлж өгөхөө мэдэж авна. Бяцхан жаалуудад яг тохирсон Монтессори үйл ажиллагааг гэрийн орчинд хэрхэн бэлтгэхийг мөн олж мэднэ. Энэхүү ном балчир үртэйгээ амар тайван зэрэгцэн орших өөр арга зам байдгийг батлан харуулж, хариуцлагатай бөгөөд сониуч хүмүүнийг өсгөн хүмүүжүүлэх үрийг суулгахад тусалж, хүүхэдтэйгээ харилцах харилцаагаа жилээс жилд улам гүнзгийрүүлж, доктор Монтессоригийн үзэл баримтлалыг өдөр тутмын амьдралдаа хэрэгжүүлэхэд тань тус нэмэр болно хэмээн найдаж байна.
24’900
Сагслах
Энэхүү номд, хорьдугаар зуунд залуу эмч, боловсролын анхдагч Мария Монтессоригийн хийсэн нээлтүүдийг авч үзэх болно. Түүний ажиглалт болон “хүүхдийн талаархи нээлтүүд” нь өнгөрсөн цагийн туршлага дээр үндэслэгдэх ч хорин нэгдүгээр зууны бидэнд ч хэрэгтэй. Өнөөдрийн судалгаа болон технологи нь хүүхдийг төрөхөөс авахуулаад түүний өгч байсан зөвлөмжүүдийг баталсаар байна. Энэ номны бүлгүүдэд бид Монтессори боловсролд эцэг эхчүүдэд шаардлагатай урам хайрласан бөгөөд бага зэрэг бэрхшээл учруулдаг арга зүйгийн талаар хүүрнэх болно.
24’900
Сагслах
Нялхсыг асрах нандин зарчмууд ном эцэг эхчүүдэд нялх үрээ өсгөхөд шаардлагатай суурь мэдлэгийг өгөх бөгөөд эргэн тойрноосоо “чухал” гэх зөвлөгөөнүүдийг авснаар тулгардаг элдэв төөрөгдлөөс “шинжлэх ухаанчаар” гарах, зөвхөн өөрийн онцгой нөхцөл байдалд тохирсон зөв шийдлийг олоход тусална. Уг ном нь голчлон 0-12 сартай хүүхдийн асаргаанд тулгардаг асуудлуудад чиглэсэн, агуулга нь А-Я хүртэл цагаан толгойн дарааллаар эмхлэгдсэн тул заавал эхнээс нь дуустал биш, зөвхөн өөрт тулгарсан асуултынхаа хариуг хайж унших боломжтой.
24’900
Сагслах
Байгалийн эрхшээл дэх хатуу ширүүн амьдралын эрхээр хүмүүс хүүхдийг хурдхан шиг том болж тусад орж, гар хөлийн үзүүрт зарагдах хэмжээнд хүрэхийг хүсэн хүлээдэг байв. Харин одоо техник технологийн хөгжил дэвшлийн үр дүнд хүмүүсийн ахуй амьдралд ихээхэн өөрчлөлт гарч, хүмүүсийн байгалиас хамаарах хамаарал багасаж, өөрсдийн гараар барьж байгуулсан тухтай орчин нөхцөлд амьдрах болсон. Энэ хөгжлийн явцад хүмүүсийн харилцаа, мөн хүүхдэд хандах хандлага ч хувирч өөрчлөгдсөөр ирлээ. Хүмүүс цаашид урьд өмнөхөөрөө амьдраад явах боломжгүй болж, шинэ орчин нөхцөлд дасан зохицох явцад эцэг эх ба хүүхэд; томчууд ба хүүхдийн харилцаанд томоохон өөрчлөлт гарах нь зайлшгүй болж ирэв. Хэдийгээр нүдэнд анзаарагдахгүй ч цаагуураа хүн хоорондын харилцаанд асар том өөрчлөлт явагдаж байна. Энэ өөрчлөлтийг анзаарахгүй явах тусам хүүхдийг өсгөж хүмүүжүүлэх тал дээр хүмүүс тал бүрийн бэрхшээлтэй тулгардаг. Зарим хүн хүүхэдтэй харьцах арга хэлбэрээ огт өөрчлөлгүй, хуучнаараа явах замыг сонгох бол зарим нь яахыгаа сайн мэдэхгүйн улмаас бүр зөнд нь орхиж, зарим нь харин цаг үетэйгээ зохицсон хүмүүжлийн шинэ арга барилд суралцахыг хичээнэ. Улс орон бүр ирээдүйд улс орноо авч явах иргэдээ бэлдэх нэгдсэн хөтөлбөр төлөвлөгөө боловсруулан хэрэгжүүлдэг. Энэ төлөвлөгөө нь уламжлалт байдлаа хадгалаад байх бус нийгмийнхээ хөгжлийг бодолцсон, амьдралд нийцтэй онол арга зүйд тулгуурлах нь зүйн хэрэг.
19’900
Сагслах
Хүүхдээ яаж сайн хүн болгох вэ? Энэ бол хүүхдийнхээ хүмүүжилд анхаардаг хэн бүхэнд тулгардаг асуулт. Хүмүүжилтэй холбогддог хамгийн чухал зүйл бол хүүхдийн сэтгэл гэдгийг дэлхий нийтээр хүлээн зөвшөөрч, сэтгэлийн боловсрол, EQ-д ихээхэн анхаарах боллоо. Сэтгэл гэдэг тогтонги биш. Эерэг, сөрөг хөдөлгөөнд байнга орно. Өөрийн болон бусдын сэтгэлийг зөв дүгнэх ба нөлөөлөх чадварыг сэтгэл хөдлөлийн чадамж буюу EQ гэх бөгөөд энэ нь IQ буюу оюуны чадамжаас юугаар ялгаатайг, мөн хүүхдийн сэтгэл хөдлөлийн чадамж хэрхэн бүрэлддэг, хүүхдийнхээ EQ-г хэрхэн багаас нь дэмжин хөгжүүлэх, томчууд хүүхэдтэйгээ ямар хандлагаар харилцах ёстой талаар энэ номд энгийн үг, бодит жишээгээр тайлбарлана.
19’900
Сагслах
Хүн насан туршдаа суралцдаг. Шинийг бодож, сэдэхэд хүрдгэдэг хөдөлгөгч хүч бол бидний сониуч зан. Аливаа зүйлийн учрыг хайх 'Яагаад?' гэх асуулт бол үүний нэг илрэл юм. Хүүхдүүд сониуч зандаа хөтлөгдөн орчин тойрондоо буй хараахан танин мэдээгүй шинэ сонин зүйл, юмс үзэгдлийн учрыг олохоор эрж хайн, янз бүрийн арга хэлбэрээр шинэ мэдлэг хуримтлуулж байдаг. Энэхүү ном нь хүүхдийн сониуч зан, аливааг танин мэдэр тэмүүллийг нялх балчир үеэс нь эхлэн сургуульд орох хүртэл тоглоомын аргаар дэмжих зорилготой.
24’900
Сагслах
Таны захиалга баталгаажсаны дараа бид 1-2 хоногийн дотор хүргэнэ.
Төлбөрийг бүрэн шилжүүлснээр захиалга баталгаажна. Та гүйлгээний утга дээр захиалгын код, утасны дугаараа бичээрэй.
Та цаг заваа хэмнэн гэртээ хүргүүлээд аваарай. Хүргэлт 7’000.
