Ядуу тарчиг амьдрал ноёлсон, хүнд хэцүү цаг үед томчууд хүүхдийн дотоод ертөнцийг хэрхэн халуун дотно сэтгэлээрээ хамгаалан түшиж байсныг, бас өчүүхэн нэгэн өндөг хүртэл асар их хайрыг өөртөө агуулж чаддаг байсныг эл ном өгүүлнэ.
Бодит явдлаас сэдэвлэсэн энэ ном бол Олон улсын хүүхдийн номын зөвлөлийн (IBBY) ерөнхийлөгч асан, чанартай хүүхдийн номыг тууштай дэмжигч, түгээн дэлгэрүүлэгч, Хятадын хэвлэлийн холбооны байнгын зөвлөлийн гишүүн Жан Минжөүгийн анхны зохиол юм. Тэр өөрийн хүүхэд насанд тохиолдсон дурсамжаасаа сэдэвлэн энэ номоо бичжээ. Харин номын зургийг БНСУ-ын зурагт номын зохиолч, зураач Ким Дун Сон туурвижээ.
