Таван царай муут

Африкийн үзэсгэлэнт байгальд сүр жавхлант арслан, өнгөлөг ягаан нал, сүүлээ унжуулсан ирвэс, сүрдэм төрхтэй хирс гээд л, тэд бүгд тайван амгалан амарч байлаа. Гэтэл хаанаас ч юм хачин сонин царайтай, үзэшгүй муухай амьтан гараад ирэх нь тэр. Энэ бол үхэр гөрөөс байлаа. Тэрээр өөрийгөө хамгийн царай муутай ганц амьтан гэж бодож байтал түүнтэй унжгар нүүрт тас, африкийн бодон, өрөв тас, толбот цөөвөр чоно тааралдах болно. Тэд бүгд өөрсдийгөө үзэшгүй муухай амьтад гэж бодох ажээ. Гэсэн хэдий ч ер гуньж гутрахгүй харин ч “бид бол таван царай муут” гэж чанга чанга дуулан явна. Харин тэдэнтэй хэн тааралддаг гээч. Тэдгээр амьтад таван царай муутыг хэзээ ч үзэшгүй муухай гэж бодож байгаагүй, харин ч хайр татам, хамгийн хөөрхөн амьтад гэж боддог. Эв хавгүй бие, хачин сонин царай зүсэнд нь хамгаас илүү хайртай гэв. Тэд харин хэн байсан юм бол? Энэхүү хөгжилтэй номоор дамжуулан таны хүүхэд юу сурах вэ? Амьтан болгон өөрийн өвөрмөц шинж чанартай шиг хүн бүр бие биеэсээ өөр ч тэд бүгдийг ойлгож, хүндлэх хэрэгтэй гэдгийг ухаарах болно. Мөн бусдыг сайхан, муухай гэж ялгаж болохгүйг ойлгоно. Түүнээс гадна ном доторх онцгой сонин зургаар дамжуулан халуун орны олон төрлийн амьтдыг мэддэг болох юм. Харин та энэ номыг хүүхдэдээ уншиж өгөхдөө ая оруулан дуулбал илүү хөгжилтэй байх болно шүү.